രാമസേതു ഹിന്ദുവിശ്വാസത്തിന്റെ അനിവാര്യഘടകമല്ലെന്ന്?
ന്യൂഡല്ഹി: രാമസേതുവുമായി ബന്ധപ്പെട്ട വിശ്വാസം ഹിന്ദുവിശ്വാസത്തിന്റെ അനിവാര്യഘടകമൊന്നുമല്ലെന്ന് കേന്ദ്രസര്ക്കാര് സുപ്രീംകോടതിയെ അറിയിച്ചു. രാമസേതു രാമന് തന്നെതാണ് തകര്ത്തത് എന്ന് പുരാണത്തില് തന്നെ പറയുന്നുണ്ടെന്നും കോടതി വിശദീകരിച്ചു. സേതുസമുദ്രം പദ്ധതിയുമായി ബന്ധപ്പെട്ട് സര്ക്കാര് നല്കിയ സത്യവാങ്മൂലത്തിലാണ് സര്ക്കാര് നിലപാട് കോടതിയെ ധരിപ്പിച്ചത്. പുതിയ കപ്പല് പാത നിര്മ്മിക്കാനുള്ള സേതുസമുദ്രം പദ്ധതി 2005 ല് ആരംഭിച്ചെങ്കിലും ഇത് സംബന്ധിച്ച് വിവിധ സംഘടനകള് പരാതികളും എതിര്പ്പുകളും ഉയര്ത്തിയതിനെ തുടര്ന്ന് പദ്ധതി നിര്ത്തിവെക്കാന് സുപ്രീംകോടതി ഉത്തരവിടുകയായിരുന്നു. ജനതാപാര്ട്ടി അധ്യക്ഷന് സുബ്രഹ്മണ്യസ്വാമി അടക്കമുള്ളവര് നല്കിയ പരാതിയുടെ അടിസ്ഥാനത്തിലാണ് കോടതി നിര്മ്മാണ പ്രവര്ത്തനങ്ങള് നിര്ത്തിവെക്കാന് ഉത്തരവിട്ടത്. അതേസമയം കേന്ദ്രമന്ത്രി ടി ആര് ബാലുവും ഡി എം കെ നേതൃത്വം നല്കുന്ന തമിഴ്നാട് സര്ക്കാരും പദ്ധതി നടപ്പാക്കാന് തയ്യാറാണെന്ന് സന്നദ്ധത അറിയിച്ചിട്ടുണ്ട്.
No comments:
Post a Comment