രാമസേതു നിലവിലില്ലെന്ന്
ന്യൂഡല്ഹി: രാമസേതു നിലവിലില്ലെന്ന് കേന്ദ്ര സര്ക്കാര് സുപ്രീംകോടതിയില് ബോധിപ്പിച്ചു. ശ്രീലങ്കയില് നിന്നു മടങ്ങുമ്പോള് ശ്രീരാമന് തന്നെ രാമസേതു തകര്ത്തുവെന്ന കമ്പരാമായണത്തിലെ പരാമര്ശങ്ങള് തെളിവായി ഉദ്ധരിച്ചാണ് കേന്ദ്രം ഈ വാദം രേഖാമൂലം അവതരിപ്പിച്ചത്. സേതുസമുദ്രം കപ്പല് ചാല് പദ്ധതിക്കായി രാമസേതു തകര്ക്കരുതെന്ന പരാതിയില് വിധി പറയുന്നത് സുപ്രീംകോടതി ചീഫ് ജസ്റ്റിസ് കെ.ജി. ബാലകൃഷ്ണന്റെ നേതൃത്വത്തിലുള്ള ബെഞ്ച് മാറ്റിവെച്ചിരുന്നു. ഇതിനിടെയാണ്, രാമസേതുവിന്റെ അവശിഷ്ടങ്ങള് ഇപ്പോള് നിലനില്ക്കുന്നില്ലെന്ന് കേന്ദ്രം കോടതിയെ അറിയിച്ചത്. രാമസേതുവിനെ രക്ഷിക്കാന് സേതുസമുദ്രം പദ്ധതിക്കായി മറ്റൊരു വഴി കണ്ടെത്താന് ആറംഗ കമ്മിറ്റിയെ പ്രധാനമന്ത്രി നിയോഗിച്ചിട്ടുണ്ട്. ഈ കമ്മിറ്റിയുടെ റിപ്പോര്ട്ടിനായി സുപ്രീംകോടതി കാത്തിരിക്കുകയാണ്. ശ്രീരാമന് നിര്മിച്ച രാമസേതു ഹിന്ദു വിശ്വാസികളുടെ ആരാധ്യമായ സ്ഥലമാണെന്നും സേതുസമുദ്രം പദ്ധതിക്കായി രാമസേതു തകര്ക്കാനുള്ള നീക്കം ഉപേക്ഷിക്കണമെന്നുമാവശ്യപ്പെട്ട് മുന് കേന്ദ്രമന്ത്രി സുബ്രഹ്മണ്യന് സ്വാമിയടക്കമുള്ളവര് രംഗത്തുവന്നതോടെ സേതുസമുദ്രം പദ്ധതി വിവാദമായിരുന്നു.
No comments:
Post a Comment